22 наурыз күні «Балдәурен» мектепалды тобында көктемнің жарқын мерекесі – Наурыз мейрамына арналған ертеңгілік өтті. Бұл мереке достықтың, бірліктің және жаңарудың белгісі болды.

Балалар мерекені көтеріңкі көңіл-күймен қарсы алды. Тәрбиеленушілер ән айтып, өлеңдер оқып, ұлттық билер билеп, түрлі қызықты ойындар мен сайыстарға қатысты. Мереке шаттыққа, қуанышқа толы өтті.

Іс-шара барысында балалар қазақ халқының салт-дәстүрлерімен танысты. Наурыз мерекесінің маңызы, ұлттық ойындар мен дәстүрлі тағамдар туралы мағлұмат алды. Мереке әсерлі әрі танымдық болды.

Іс-шараны топ тәрбиешісі Камалова Амина Ханифовна және музыка жетекшісі Искакова Альбина Тальгатовна ұйымдастырып өткізді. Олардың шығармашылық еңбегінің арқасында мереке жоғары деңгейде өтті.