«Балауса» ересек тобында «Шыршамен қоштасу» атты әсерлі және жылы іс-шара өтті.

«Балауса» ересек тобында «Шыршамен қоштасу» атты әсерлі және жылы іс-шара өтті. Мерекенің мақсаты – балаларға Жаңа жыл мерекесінің аяқталғанын түсіндіру және шыршамен әдемі, мәдени түрде қоштасу дәстүрін қалыптастыру.

Балалар шырша жанында ән айтып, тақпақтар оқып, өткен жаңа жыл мерекесін еске алды. Әсем безендірілген жасыл шырша балаларға қуаныш пен көтеріңкі көңіл-күй сыйлағанын еске түсірді. Балалар шыршамен қоштасып, оның орманға қайта оралатынын түсінді.

Бұл шара балалардың есте сақтау қабілетін, эмоциялық сезімдерін дамытып, табиғатқа деген сүйіспеншілік пен қамқорлықты қалыптастырды. «Шыршамен қоштасу» мерекесі балалардың жүрегінде жылы естелік болып қалды.