«Балдәурен» тобының 1 мамыр — Қазақстан халқының бірлігі күніне арналған мерекелік биі

1 мамыр күні «Балдәурен» ересек тобының тәрбиеленушілері Қазақстан халқының бірлігі күніне арналған мерекелік іс-шараға белсене қатысты. Мерекелік бағдарлама аясында балалар орыс халқының дәстүрлі биі — қасықпен би орындап, еліміздегі түрлі ұлттардың мәдениетіне деген құрметтерін көрсетті.

Тәрбиеші Камалова Амина Ханифовна мен музыкалық жетекші Искакова Альбина Талгатовнаның жетекшілігімен балалар қасықпен би қимылдарын үйреніп, сахнада өз өнерлерін көрсетті. Бұл би балалардың ырғақ сезімін, үйлесімділігін дамытып, шығармашылық қабілеттерін арттырды.

Мерекелік іс-шара балалардың достық, бірлік және өзара түсіністік сияқты құндылықтарды бойларына сіңіруіне ықпал етті. Қазақстанның көпұлтты қоғамында әр ұлттың мәдениетін құрметтеу мен бағалау — болашақ ұрпақтың рухани дамуының негізі болып табылады.

Осылайша, «Балдәурен» тобының тәрбиеленушілері 1 мамыр — Қазақстан халқының бірлігі күнін көтеріңкі көңіл-күймен атап өтіп, мерекенің маңыздылығын жүректерімен сезінді.