Мектепке алғашқы қадам: «Нұрай» бөбекжайының тәрбиеленушілері №2 мектепте

 «Нұрай» бөбекжайының мектепалды топтарының тәрбиеленушілері №2 жалпы білім беретін мектепке экскурсия жасады. Бұл шара мектепке дейінгі және бастауыш білім беру арасындағы сабақтастықты нығайту мақсатында ұйымдастырылды. Мектепке бару алдындағы кезеңде балалардың мектеп өмірімен танысуы олардың жаңа ортаға бейімделуін жеңілдетеді.

Экскурсия барысында балалар мектептің кең дәліздерімен, жарық сыныптарымен, кітапханасымен, асханасымен және киім ілетін бөлмесімен танысты. Әсіресе, мектептегі әскери-тарихи музей балалардың ерекше қызығушылығын тудырды. Музейдегі экспонаттар мен Даңқ қабырғасы арқылы олар еліміздің тарихы мен батырларымен танысты.

Кітапханада балалар кітаптардың маңыздылығы туралы ақпарат алып, кітап дүкені мен кітапхананың айырмашылығын білді. Экскурсия соңында әр балаға кітап сыйға тартылды.

Бұл сапар балалардың мектепке деген қызығушылығын арттырып, оқу процесіне оң көзқарас қалыптастырды.
 «Нұрай»бөбекжайының  ұжымы №2 мектептің директоры Мельник Инна Деомидовнаға және әдістемелік жұмыс жөніндегі орынбасары Исмаганбетова Алмагүл Жанибекқызына балалар үшін ұйымдастырылған танымдық экскурсия үшін алғыс білдіреді. Сіздерге зор денсаулық, амандық және кәсіби табыс тілейміз!

🎥 Бейнежазбаны мына сілтеме арқылы көре аласыз:  
🔗 [Инстаграмдағы бейне]https://www.instagram.com/p/DI_IDFQyVbHuVi6LwowzyOGPaqiR6gCGewuji80/