«Айналайын» бөбекжайында аудандық әдістемелік кеңестің отырысы өтті

2025 жылдың 22 сәуірінде  «Burabai Invest Co» ЖСШ-ның  директоры Қокурова Ғалия Аманжоловна және мектепке дейінгі білім беру саласындағы әріптестері «Айналайын» бөбекжайына  барып, аудандық әдістемелік кеңестің отырысына қатысты.

Мақсаты:  
Бұл отырыстың негізгі мақсаты — аудан мектепке дейінгі білім беру ұйымдарының педагогтарының кәсіби шеберлігін арттыру. Сонымен қатар, әдістемелік жұмыстың сапасын жетілдіру, инновациялық тәжірибені тарату және тәрбие мен оқыту процесінде педагогикалық технологияларды тиімді қолдану мәселелері талқыланды.

Іс-шара барысында педагогтар өз тәжірибелерімен бөлісіп, балаларды оқыту мен тәрбиелеуде жаңа тәсілдерді қолдану мәселелері бойынша пікір алмасты. Әсіресе, білім сапасын арттыруға және балаларды болашақ білім алуға даярлауға бағытталған жаңа әдістер мен педагогикалық тәжірибелердің тиімділігіне ерекше назар аударылды.