«Қағаз бүктеу өнері – оригами» тақырыбындағы іс-шара «Ботақан» ересек тобында өтті

«Ботақан» ересек тобында қазақ тілі мұғалімі Қайырова Зауреш Камидоллақызының жетекшілігімен «Қағаз бүктеу өнері – оригами» тақырыбында танымдық іс-шара ұйымдастырылды. Балалар қағаздан қайық жасау арқылы оригами техникасының негіздерімен танысты.

Іс-шараның мақсаттары:
1. Қағазды бүктеу арқылы қайық жасауға үйрету.
2. Оригами техникасымен қағаздан құрастыру жолдарын меңгерту.
3. Қолдың саусақ бұлшық еттерін, ұсақ моториканы, тактильді көру қабілетін дамыту.
4. Қағазбен ұқыпты жұмыс істеуге тәрбиелеу.

Балалар қағазды бүктеу арқылы түрлі пішіндер жасауға қызығушылық танытып, шығармашылық қабілеттерін дамытты. Мұндай іс-шаралар балалардың ұсақ моторикасын, зейінін және логикалық ойлау қабілетін арттыруға септігін тигізеді.